सुनसरी १ बाट जनता समाजवादी पार्टी, नेपाल (जसपा) का संघीय परिषद् अध्यक्ष अशोककुमार राई निर्वाचित भएका छन् ।राईले राष्ट्रिय स्वतन्त्र पार्टीकी गोमा तामाङलाई पराजित गर्दै प्रतिनिधि सभाको लागि ढोका खुला गरेका हुन् ।
राईले १७ हजार ५९ मत पाएर विजयी हुँदा तामाङले १६ हजार ६ सय ६ मत पाइन् । दुई उम्मेद्वारबीचको मतान्तर ४ सय ५३ रहेको छ।सत्ता गठबन्धन्का उम्मेद्वार माओवादीका मुक्सामहाङ्ग मेन्याङ्बोले १३ हजार ८७ मत पाएका छन् ।
त्यस्तै राप्रपाका अशोक राईले ७ हजार ८ सय ८४ मत पाएकाे छ। भने एमाले–जसपा चुनावी तालमेलविरुद्ध बागी उम्मेद्वारी दिएकामनोजकुमार मेन्याङ्बोले ७ हजार ८ सय १२ मत पाए पछिल्लो २ दिनयता सुनसरी १ को मतगणना आमचासो र सर्वाधिक चर्चाको विषय बनेको थियो ।
सप्तरी २ बाट भारी मतले जसपा अध्यक्ष उपेन्द्र यादव पराजित भएपछि पार्टीभित्र अर्का शीर्ष नेता राईले चुनाव जित्नै पर्ने दबावचुलिएको थियो ।