नेपाल खेलकुद महासंघको दोस्रो राष्ट्रिय महाधिवेशन विराटनगरमा हुने भएको छ ।
२०७९ फागुन ७, ८ र ९ गते विराटनगरमा हुन लागेको दोस्रो राष्ट्रिय महाधिवेशनमा देशभरीबाट ५ सय ५० जना प्रतिनिधिकोहरूकाे सहभागिता रहने आयाेजक समितिले जनाएको छ ।
नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले फागुन ७ गते विराटनगरको विराट नर्सिङ होम पूर्व शंकरपुरको खाली मैदानमा महाधिवेशनको उद्घाटन गर्ने कार्यक्रम तय गरिएको छ ।
महासंघका केन्द्रिय अध्यक्ष पर्शुराम बस्नेतले सोमबार विराटनगरमा पत्रकार सम्मेलन गरेर दोस्रो राष्ट्रिय महाधिवेशन सम्पन्न गर्न ६५ लाख भन्दा बढि रकम खर्च हुने जानकारी गराए ।
बरगाछी स्थित होटल मनास्लु इनमा दोस्रो महाधिवेशनको दोस्रो सत्रले नयाँ पदाधिकारी चयन गर्दै महाधिवेशन सम्पन्न भएको घोषणा हुनेछ ।