विराटनगर -१५ को रानी टेक्सी स्टेण्ड एरियामा पार्किङ गरेको ट्याम्पु चोरी भएको केही घण्टामै ट्राफिक प्रहरी पोस्ट रानीको ट्राफिक प्रहरीले फेला पारी सम्बन्धित ट्याम्पु धनी लाई बुझाएको छ।उक्त ट्याम्पु ईलाका प्रहरी कार्यालय रानीमा ल्याई सोमवार सम्बन्धित धनीलाई बुझाएको र ट्याम्पु चोरी भएको स्थानमा रहेको सिसी टिभि क्यामेराको मदतले चोरको खोजी तलास भईरहेको ईलाका प्रहरी कार्यालय रानीले जनाएको छ ।आईतवार साँझ साढे ५ बजेको समयमा ट्याक्सी स्टेण्ड नजिक पार्किङमा रहेको को २ ह ४३६५ नम्बरको ट्याम्पु चोरी भएको सूचना पाए लगत्तै खोज तलासमा जुटेको ट्राफिक प्रहरी पोस्ट रानीको प्रहरीले विराटनगर -१५ स्थित सुडी बस्ती नजिकबाट ट्याम्पु फेला पारेका थिए।प्रहरीले ट्याम्पु नियन्त्रण लिँदा ट्याम्पुको अगाडिको पाङ्ग्रा भित्रको, ब्याट्री र साउण्ड सिस्टम लगाएतका केही सामानहरू निकालिसकेको अवस्थामा भेटिएको थिए।