विराटनगर ÷ प्रदेश १का सामाजिक विकास मन्त्री जयराम यादवले बालबालिकाको भविष्य सुधार्न अभिभावक तथा शिक्षकहरूको दुवै काे भूमिका रहने बताएका छन् ।
विराटनगर–१४ स्थित श्री जनता बाल आधारभूत विद्यालकाे अायाेजनामा आयोजित सम्मान तथा स्वागत कार्यक्रमलाई सम्बोधन गर्दै देशको भविष्य बालबालिकासँग जाेडिएकाले उनीहरूको भविष्यमा ध्यान दिनुपर्नेमा जोड दिए । मन्त्री यादवले पछिल्लो समय बालबालिकाहरू कुलतमा लाग्ने र सामाजिक विचलनको बाटोमा हिंड्ने प्रवृत्ति बढेकाले त्यसलाई न्यूनीकरण गर्न अभिभावक र शिक्षक शिक्षिकाहरूले उनीहरूको दैनिकी र शिक्षादीक्षामा विशेष ध्यान दिनुपर्ने बताए ।

मन्त्री यादवले राम्रो र गुणस्तरीय शिक्षाका लागि निजी स्कुलहरूकै भरपर्नु नपर्ने बताउँदैै सरकारी विद्यालयहरूमा पढेका विद्यार्थीहरूले समेत समाजमा उच्च र राम्रो स्थान हासिल गरेको प्रशस्त उदाहरणहरू रहेको बताए । पछिल्लो समय अनेकौं सरकारी विद्यालयहरूले राम्रो सफलता हासिल गर्दै गएको उनको भनाइ थियो । कार्यक्रमकाबीच मन्त्री यादवलाई विद्यालयले सम्मान गरेको थियो । मन्त्री यादवलाई विद्यालयका प्रधानाध्यापक राजेशप्रसाद यादव, व्यवस्थापन समितिका अध्यक्ष प्रमोद यादव र विराटनगर–१४ का वडाध्यक्ष बलदेव यादवलगायतले कदरपत्र र दोसल्लासहित सम्मान गरे ।साे सम्मानमा स्थानीय  वुद्वी जिवि स्थानीय  व्यत्तिहरूकाे उपस्थिति रहेका थिए ।